嘉寶漢堡 (已搬遷) 新店位置

今次又食返尖沙咀店，铺面细，连埋吧枱都唔够20个位，门口仲企左一堆人：有啲等紧位，有啲等紧外卖；望到铺头入面啲人都仲等紧餐，门口又有六七个人等入，即刻放弃堂食，改叫外卖。以为外卖会快啲，点知系谂多咗。成间铺头得两个员工，一个仲要负责埋收银，佢哋系跟Order Number整嘅，一单做完先下一单，我地由126等到138号，等左差唔多1个钟先拎到个餐。野食方面，质素宝系唔错！黑松露芝士牛堡家姐点既，一打开个包，个包装纸已经满满既油汁，好彩张纸系有啲胶胶地，如果唔系都会食得几狼狈。试左两啖，黑松露酱俾得几大方，牛汉堡排颇厚身，好软稔又多汁。蜜糖芥末菠萝鸡堡蜜糖/芥末/菠萝/鸡－－唔会有错既组合，但相对地惊喜都唔大。菠萝唔算厚切，口感上享受一般，但配埋个酱汁既酸甜比例好balance......鸡排煎得颇香口，边边既鸡皮仲可以食到脆脆地，但味道唔算好突出，下次再食应该会拣返牛食。薯格我地拎左餐行左一段路去到百周年纪念花园到食，但个薯格唔会俾胶袋焗到变一pats，依然都有香脆既外皮，不过食食下就觉得有啲油同热气喇！好彩同家姐两个人share一份。