老虎堂黑糖專売 (T.O.P This is Our Place)

营业中

休息中

旺角分店开左有几耐，相信好多九龙友一定冲去买，始终旺角方便得多。当日咁啱系星期六，唔洗谂，一定多到爆。不过，难得去到，又未试过系咪听人地讲咁正，所以誓要买来试试。大约3点9左右，见到成条路旁边企晒人，都觉得大获，真系超级多人。排队排到转晒弯，大概15分钟，就买到飞了。我提议买「虎虎生风厚鲜奶」，因为可以有两种口感，食到大珍珠和小珍珠。但爸爸见到餐牌写住「波霸厚鲜奶」系招牌，坚持要依个。其实，我见到个餐牌，都分不太清楚有咩分别。好似全部都差不多，都系黑糖+奶+珍珠。唔加cream mousse可能冇咁高卡路里，但又好似冇咩意思咁。要试就要试个最人气嘅既然都系30蚊，加多层cream照计系化算啲!买飞连拎野饮，总共花了1小时，真系少啲耐性都唔得。野饮到手，睇落就好吸引，底部暖笠笠，上面冻冰冰。打卡之后，听佢讲摇匀15下，之后我又用饮管搅匀啲。饮落真系好好味，比起之前饮sharetea更好饮，感觉奶味更出，黑糖又唔会太甜。（其实我只系饮过2次黑糖珍奶咋🙈）平时我饮开无糖饮品，都接受到，所以我觉得老虎堂系饮得过!不过，30蚊一杯都唔算平，仲要排咁耐队...真系偶然一次好了，况且一杯等于2，3碗