樂意點心

营业中

休息中

之前经过尖沙咀，成日见到有间点心舖排晒长龙，今日终于约到朋友过黎试一试。虽然系平日，但依然系排长龙，仲有好多外国人黎食，排我地前既已经有个日本家庭一家人细黎食。我地等左5分钟左右就有位。坐低一见个餐牌，估唔到价钱咁平，游客区仲要咁高人气，野食足料价钱贴地。排晒长龙真系有佢原因。❤️笼仔豉汁带子饭 ➕️腊肠 超大笼，两个人都好够食，大大粒带子舖满晒成个饭，仲有大量蒜蓉，中意食蒜既不容错过。腊肠风味十足，极度抵食。❤️鲍汁花胶鲍鱼鹅掌 有齐花胶、鲍鱼、鹅掌，性价比极高，鲍鱼弹牙，花胶、鹅掌胶质十足，而且全部都好入味。❤️芝麻虾多士 超级好味，虾肉多且弹牙，多士超级松化。❤️碧绿叉烧肠粉 大大粒叉烧，入面仲有翠玉瓜，大碟夹抵食。❤️带子菜苗饺 大大粒带子，菜苗饺多馅，肉质鲜味弹牙。🍹杨枝甘露 香浓芒果味，鲜甜可口。乐意点心 地址: 尖沙咀汉口道19-21号地舖#点心 #尖沙咀 #尖沙咀美食 #尖沙咀好去处 #香港旅行 #香港美食 #人气食店 #饮茶 #肠粉 #美食分享