影片
更多
2023-01-20
837 浏览
依加想食大排档真系买少见少，通常系熟食中心都仲可以揾到。呢间就系观塘区嘅。主打鸡煲小菜，今晚黎到都坐无虚席咁剂，好彩仲有张二人枱。手写菜牌但无写价钱，望下枱上餐牌，价钱都系亲民价，菜式选择量会令到有选择困难症嘅客人”病发”。就咁简简单单叫几样大牌档必有菜式首先出场有呢碟京都骨 ($88)，颜色鲜艳，刺激食欲选用排骨带点软骨，丰富多D唔同口感; 外面带少少香脆度，肉质唔鞋口; 个酸甜汁包围住每件排骨，减底肉类嘅腻度。仲有绿红椒，紫洋葱及菠萝件，红黄绿紫包罗万有。有肉当然要有菜，呢客蒜蓉炒豆苗 ($98)大碟得令人怀疑人生(哈哈…)，成坐"豆苗山"咁。印象中豆苗价钱都唔平，呢碟份量足够4人食; 以蒜蓉快炒豆苗，唔会过老又有蒜香味，最好就系唔会食完成口油。压轴出场就嚟个金菇肥牛粉丝煲 ($98)，份量又系对眼嘅肥牛藏身于金菇粉丝中，薄薄一片，一夹轻取2-3片仲有金菇粉丝都唔可以错过，沙嗲汁”赐予”佢地味道，用黎送饭，添饭都仲得。要食大排档就系想要佢嘅风味同镬气，呢度出品每样即叫即煮，入口热辣辣，份量又大碟，绝对合格有余。
主打鸡煲小菜，今晚黎到都坐无虚席咁剂，好彩仲有张二人枱。
手写菜牌但无写价钱，望下枱上餐牌，价钱都系亲民价，菜式选择量会令到有选择困难症嘅客人”病发”。
就咁简简单单叫几样大牌档必有菜式
首先出场有呢碟京都骨 ($88)，颜色鲜艳，刺激食欲
选用排骨带点软骨，丰富多D唔同口感; 外面带少少香脆度，肉质唔鞋口; 个酸甜汁包围住每件排骨，减底肉类嘅腻度。仲有绿红椒，紫洋葱及菠萝件，红黄绿紫包罗万有。
有肉当然要有菜，呢客蒜蓉炒豆苗 ($98)大碟得令人怀疑人生(哈哈…)，成坐"豆苗山"咁。
印象中豆苗价钱都唔平，呢碟份量足够4人食; 以蒜蓉快炒豆苗，唔会过老又有蒜香味，最好就系唔会食完成口油。
压轴出场就嚟个金菇肥牛粉丝煲 ($98)，份量又系对眼嘅
肥牛藏身于金菇粉丝中，薄薄一片，一夹轻取2-3片
仲有金菇粉丝都唔可以错过，沙嗲汁”赐予”佢地味道，用黎送饭，添饭都仲得。
要食大排档就系想要佢嘅风味同镬气，呢度出品每样即叫即煮，入口热辣辣，份量又大碟，绝对合格有余。
张贴
