반찬앤쿡 Banchan and Cook (時代廣場) (已結業)

今日又去铜锣湾出差， 见好耐无去Times Square 揾野食， 于是顺道一游入去揾野食。 去到9楼见到有间食韩式餐厅排哂长龙。 咁香港人最钟意排队， 我咪又排下啰， 大约15分钟入座。 望望餐牌， 好多野食， 样样都想食， 于是叫下叫下就变成:玫瑰酱烩鸡腿肉蛋包饭牛肝菌蛋包饭慢煮羊膝配薯条韩式无骨炸鸡韩式杂莓牛角包窝夫盛夏冰爽西瓜柠檬梳打无花果梳打玫瑰酱烩鸡腿肉蛋包饭， 蛋包饭真系吸睛系列， 未切开先打卡， 切开后再打卡， 鲜黄色嘅蛋汁涌出黎， 浸满成个饭， 蛋味香浓，烩鸡腿肉啖啖肉，煎得香口。牛肝菌蛋包饭， 牛肝菌味超浓， 入口索索声， 爱菇朋友一定钟意。慢煮羊膝配薯条， 一大条羊膝， 无騒味， 好嫩滑， 羊肉一丝丝。韩式无骨炸鸡， 带少少辣味， 鸡肉嫩滑多汁， 份量超多。韩式杂莓牛角包窝夫， 女生至爱甜品， 又系打卡之选， 热辣辣香甜窝夫， 加上少少肉桂粉， 食完开心哂。盛夏冰爽西瓜柠檬梳打， 清甜， 清新， 入口透心凉， 大热天时， 一定要饮。无花果梳打， 味道较清淡， 成杯都有无花果幽香。