影片
更多
2021-08-29
460 浏览
寿司郎喺香港越开越多，但仍然要大排长龙，到底系咩令到佢咁受欢迎呢？今日又再去帮衬，食物质素依然保持到，旧饭够硬身，唔会一夹就散开，而且寿司款式多选择，刺身够新鲜，再加上有期间限定嘅特色寿司以及小食，难怪keep住咁旺场。基本上有一款寿司我每次去到必定会点，就系虾三味，因为20几蚊就可以食到三种唔同嘅虾，包括生虾、熟虾以及甜虾，真系超级抵食！除此之外,寿司郎嘅天妇罗亦都系高质嘅,天妇罗虽然系炸，但食落唔会好油腻，表面香脆可口，而且拼盘仲有两只虾，个人认为比起叫天妇罗乌冬更加抵食。最后一样推介就系甜品芭菲，牛奶雪糕超香浓幼滑，绝对食得出系北海道牛奶整嘅，抹茶大福加红豆，以及下面嘅脆脆，简直就系一大享受！
今日又再去帮衬，食物质素依然保持到，旧饭够硬身，唔会一夹就散开，而且寿司款式多选择，刺身够新鲜，再加上有期间限定嘅特色寿司以及小食，难怪keep住咁旺场。
基本上有一款寿司我每次去到必定会点，就系虾三味，因为20几蚊就可以食到三种唔同嘅虾，包括生虾、熟虾以及甜虾，真系超级抵食！
除此之外,寿司郎嘅天妇罗亦都系高质嘅,天妇罗虽然系炸，但食落唔会好油腻，表面香脆可口，而且拼盘仲有两只虾，个人认为比起叫天妇罗乌冬更加抵食。
最后一样推介就系甜品芭菲，牛奶雪糕超香浓幼滑，绝对食得出系北海道牛奶整嘅，抹茶大福加红豆，以及下面嘅脆脆，简直就系一大享受！
张贴
