Karui Bento (已搬遷) 新店位置

因为on diet紧,，所以都要食得健康D。日式便当系一个唔错既选择。 今日放lunch决定试下呢间只做外买既店， 估唔到1点钟去到已经有10几人排紧队，人气真系爆灯，有良心既店，系值得等下既。 落order时店员已经提醒过要等15-20分钟，结果等左差唔多30分钟。大热天时系条街等，都几辛苦。店员话下次可以用手机透过一个外卖平台预先order，咁就可以预返时间去舖头自取悭返D时间。 不过辛苦系值得既，因为的确系几好食既。我拣左「照烧鸡扒野菜便当」。鸡扒腌得好入味，用左孜然粉同七味粉去腌，鸡皮好薄一D都唔肥，连平时唔食鸡皮既我都食哂。野菜炒得好味但调味又唔会过重，配搭红米饭感觉更健康。份量方面有D偏少，女仔食刚刚好，男仔食既话一定唔够饱，可能加$8要个面豉汤会好D。$68呢个价钱黎讲，有D偏贵，但可以一试。