腸粉皇

营业中

休息中

从VTC 出湾仔道会经过一小段克街，每次放学、放工时间路过街头间小吃店都有好多人排队， 细看之下原来卖鱼肉烧卖、肠粉、粢饭嘅小店， 点解咁多人帮趁咖？ 问咗附近住嘅朋友，原来佢哋嘅肠粉一年四季多人俸场咖，嘅然咁好卖就要试吓喇。六点半去到， 已经有一条龙大概十个人排紧队，一心嚟到紧系排啦。 每个人都耐心等候，有D买外卖而有D企喺度食，睇见佢哋都食得好滋味㖞。 到我喇！ "唔该肠粉一份，全要走辣酱同要多D豉油吖，拎走"，接到order嘅女士好专心、纯熟地剪肠粉同落酱，我嘅要求仲完全无错添，赞！ 买返屋企急不及待马上试食， 肠粉仲烫囗而且非常滑溜，虽然我要够豉油但一D都唔会过咸，明显调教过恰到好处，芝麻仲烘得好香。 好味到停唔倒囗，一阵就清咗成兜肠粉，真系唔够喉呀。 唔怪得够胆叫「肠粉皇」啦。