3rd Space (已搬遷) 新店位置

想食呢间既pancake好耐，终于揾到个假期一个人嚟叹下，但正正因为假期，所以好多人，排左差不多半个钟先有位。排到差不多到我既时候侍应会行过黎帮你落左单先，但入到去其实都仲要等多10分钟到先有食物。其实menu唔系得好多野食，拣左佢地最出名既signature earl grey pancake。pancake既系一层厚既，earl grey 味唔算好浓，配左比较稀身同淡味既maple syrup，仲有一大pat忌廉，食落唔会好甜，配料主要系生果，有香蕉，士多啤梨，蓝莓，仲有脆脆地既粒粒同提子干，每一啖都有配料，唔会闷。总结，系几好味既pancake，但要排队又要等，同埋价钱都唔算平，个人认为食一次就够。