好彩海鮮酒家

营业中

休息中

已有两年多没有来呢间老字号酒楼饮茶了，前面的报纸档没咗门口空间大咗，但仍然好多人拿飞等入座，足足等了一个小时二十分钟，才有位仲要搭台，一行三人终于有位了，隔离有位茶客，他们是这𥚃的座上客，介绍了好食点心给我们例如小笼包，烧腩仔可惜服务员说卖光了。小食点了青芥末海蜇，好爽口够凉，少少攻鼻，但ok的。芋虾角，芋头好冧虾好爽两煮配合得天衣无缝！虽然衹得两件，过火少少，但都好味！芋丝煎薄饼，饼边好脆，好食，这款饼不是其他酒楼咁加些少心思（芋丝）。跟著十多分钟就到下午二时的下午茶，好抵食，早知晏啲来啦！好多点心，叫了三款粉：雪菜肉丝米粉，好味的汤没有被米粉索哂；叉烧濑和烧鹅濑，汤够热，鹅皮好脆，好有鹅味，叉烧看来瘦咗啲，以为干争争，但估唔到咁好食，一啲都唔鞋，好香玫瑰露，觉得从未食过咁好食。上汤豆苗饺味道一般，够热。最后点了蜜饯鸡翼，好松化的蜜糖皮，唔硬，鸡肉好入味。糯米鸡的糯米好黏好烟韧。鲜山竹牛肉球，好软𣺉𣺉配喼汁一流！好味！ 仲有其他想吃，留待下次再来吃吧！