敏華冰廳 (海趣坊)

营业中

休息中

闲日食个早餐都要排队?开门开7点，7点50到已经有人龙，有冇咁痴线啊！庆幸1位易攞位，不过都排咗10分钟，入座后才发现有好多吉位，根本就系伙计安排系故意制造假象，等外边的人以为这餐厅好受欢迎。味道坦白讲一般，炒蛋嚟讲就略胜翠华，但比澳牛逊色，当然伙计态度不错，好过澳牛，最低限度唔会赶你走。至于佢地推介嘅忌廉鸡汤火腿通，已经叫咗扣底(谂住饮吓汤)，失望嘅，因为几淡，食过土瓜湾嘅一冰厅，佢个忌廉汤底好浓，所以幻想得太多，换来有点唏嘘的感觉，总括嚟讲系ok嘅，不过要排队就扣分。