龍城冰室

营业中

休息中

之前成日都经过旺角中心，呢度以前机舖同埋金舖𠮶个位已经做唔住，带嚟嘅系一间冰室。要知道喺旺角闹市里面经营一间餐厅绝对唔容易，因为外面仲有好几百间食肆。休闲嘅下午喺旺角行街行到热辣辣，经过门口啱啱开始准备转做下午茶，未系咁多客人，入去试下佢嘅拿手小菜先！🦐龙城炒米粉呢个炒米粉唔会好油，里面有两只大虾、火腿丝、鸡蛋同埋各式各样嘅配料,食落有少少嘅虾酱香味！食到碟底都系冇油嘅，睇嚟炒嘢嘅师傅有啲功架！🐔麻辣滑鸡煲呢度嘅一人套餐鸡煲份量都唔少，鸡件全部都几滑，唔系净系用麻辣酱里面都咬到少少花椒！仲有姜、葱、蒜头、洋葱、红葱头三色椒等等嘅配料,好𩠌饭呀！🧆All Day breakfast而家啲茶餐厅都好轻做呢一个全日早餐，呢度嘅芝士火腿牛角包整得都唔错！鱼柳都好巨型呀有我块面咁大😂中间有啲沙律菜，另外仲有炒滑蛋、香草肠，几廿蚊嚟讲又几抵食！🥞芝士流心西多士呢度西多士系用鲜牛油㗎㖞！竟然唔系人做牛油马芝连🤠热辣辣食又真系几流心！拉丝！