自家點心 (已結業)

早两日睇报纸，见到呢间野好似几OK，一心谂住去试试，星期五朝早10：30左右去到，见到铺仔细细，里面坐满晒人，跟足规矩同店员攞张飞，喺铺头出面等，后面有个阿婶跟住攞飞，即系排喺我后面。等左15分钟左右终于有人走，心谂应该有位啦，点知后面个个阿婶同两个阿伯即刻冲入铺坐低咗，但系店员若无其事咁继续执台，见到咁嘅情况，梗系要入去同店员理论啦，点知店员好唔好声气咁话：「佢地订咗位架，你地攞飞嘅就等多阵啦」𠮶个阿婶订咗位？咁佢一开始做乜要攞飞？听到店员咁嘅答覆，真系火都黎埋，最后无食到就走咗。就算佢好食到识飞，咁样嘅服务质素，你又会唔会帮衬？