影片
更多
2023-10-23
496 浏览
好耐之前已经想食呢间食大板烧放题，岩岩个星期五(20/10)大约7:30PM就同朋友黎左排队取票，我地系005号票，而佢仲未叫过飞，仲系000。其实除左叫飞之外，其余时间职员都唔会系门口(但等左半个钟都系叫左两张飞)，而系8:05PM左右职员就突然出黎将「2小时放题」的餐牌收起晒，咩都唔讲就咁行番入去......我地要自己行去门口(表示想揾职员问问题先有人理你)😥😥，我地问系咪无得食个放题，佢答：9点就截单，而家都未有位，如果你唔怕食唔够两个钟，其实都可以选择叫放题。当时已经叫到003，我同朋友都见到开始有人离开，决定等多阵，时间短少少我地其实都唔介意。( 其实我觉得职员无啦啦收起D牌，咩都唔讲...咁前面拎飞等紧D人, 其实系无人知发生咩事, 我见有两班人都呆左, 最后有D就咁就走左)我地等到8:20PM终于可以入座，我地照选择$348个「极上放题」，佢本身有个牌写住星期一至五 「极上放题减$30元」，咁谂住系$318啦，入到去坐低，职员唔知系边度餐牌拎住话星期五﹑六﹑日要额外加$20...当时我地其实等左差唔多成个钟...我都饿到晕晕地...就算数照叫...但事后谂番...其实都有
我地等到8:20PM终于可以入座，我地照选择$348个「极上放题」，佢本身有个牌写住星期一至五 「极上放题减$30元」，咁谂住系$318啦，入到去坐低，职员唔知系边度餐牌拎住话星期五﹑六﹑日要额外加$20...当时我地其实等左差唔多成个钟...我都饿到晕晕地...就算数照叫...但事后谂番...其实都有少少欺骗成份啰...
PS. 2小时任食放题，但个舖头细，座位唔多基本上返唔到台，大家预左6点果转入唔到，就要有等到8点的心理准备。
佢系写纸落单，有一种食放题写纸仔的传统感觉。海鲜其中叫左「大虾」，但黎到一望就只系好普通的虾，同我之前在其他放题食的「大虾」SIZE都差左一段距离，都叫左一大碟肉，但我想讲佢所有份量都系乱来，我全部写1 OR 2, 但佢所有野都系黎4-8...或者呢度系当你要「一碟」「两碟」?好在劲食嘅我，大部份都同佢食晒...因为真系唔想浪费食物，但个所谓「极上放题」，牛肉都系非常普通，质素极之一般。黎多都唔紧要，仲要黎左一碟我地无叫的食物(蟹捧...紫薯...)。
我地当然有叫大板烧啦，叫左三款试下，大板烧的确系几好味，而朋友都整得好靓，最正宗就得个大板烧。
最后每人包左一杯饮品...同埋一杯雪糕，9:40PM左右，职员企埋一边讨论紧野，我地等左成5分钟，要自己行出去揾职员，问系咪仲有一杯雪糕，不过职员都好有礼貌问有咩帮到我地~总括而言，呢个放题，所有野都十分自助，减完你30蚊再加番你20蚊仲要收你加1服务费，我谂都无下次 (我估佢地都唔想D人再去食🤣🤣)。
张贴
