Age.3

营业中

休息中

星期六去MOKO新开既Age.3食炸三文治。呢间系日本元组炸三文治既海外首间分店，好威水，唔怪之得劲多人，要有心理准备等好耐先有得拎。有个开放式厨房，见到佢地将厚切方包拎去炸，再切开一半，再将材料摆入去，就成为丰富饱满既炸三文治啦。建议一定要即食，即食系最好食嘅。芒果杏仁豆腐呢个见到系香港限定，就一定要拣佢啦。杏仁味嘅忌廉幼滑又唔太甜，加埋粒粒芒果，当甜品食一流。鲜奶油用北海道鲜奶油制作，奶味几香，甜度啱啱好，而家做紧$8优惠就非常之抵，值得一试。焦糖炖蛋焦糖炖蛋相对甜少少，但同样非常幼滑。芝士咖喱肉酱味道辣辣地，有一层芝士系面，啱晒想食咸既人士。日式半熟蛋拿坡尼意粉有只煎半熟蛋，食食吓会爆啲蛋汁出嚟，再捞埋意粉一齐食，好食。