上海姥姥 (馬鞍山廣場)

营业中

休息中

出去玩左一日，夜晚返马鞍山食晚饭，周围都等位，难得今晚上海姥姥唔多人等，（可能因为周围开左新食肆d人过哂去）所以就排队，等左15-20分钟就入得。虽然我唔系几钟意佢只可排队不派筹的安排。坐下即落单，欣赏佢上菜速度好快。叫左个「熏鱼」，份量都多，属冷盘，酱汁味道浓甜甜地，但小心比较多骨。小笼包皮薄多汁肉嫩，绝对要一试！扬州炒饭有豆干、叉烧粒、虾等，整体质素不俗！上海排骨杨春面，排骨份量不多，偏干身，面质和汤底都ok的。佢d枱都唔算太近，四人枱之间的通道算行得阔落，亦见到佢识得大人奉茶，小朋友比清水，可见其细心。