影片
更多
2020-07-09
209 浏览
星期日去屯门行山，出发前黎荃湾医下肚先~苏妈苏妈 呢间黄店深信有睇开其他 Foodie 都一定会推介，终于有机会试到，真系值得黎食！虽然黎到都要等位，都等起差唔多15分钟以上，不过都系值得。叫咗 肉骨茶 配捧捧骨，汤咖哩面 同 咖央多，墙上有介绍肉骨茶嘅食法，先饮汤再食肉，再饮汤~茶系我食过咁多间最浓味嘅，#当归 味最出，而捧捧骨就咁食就有D Dry, 但跟墙上介绍Mix 个豉油酱立即惹味晒！食到尾仲可以叫佢地加汤，呢个食法真系好少见！而汤咖哩面系配米通粉，初时都惊会太辣，但入口只系好轻轻轻轻嘅微辣，甜甜地仲有好重椰香，米通粉质感比米线更滑，不过就有D 碎，食到中途已经夹唔起要用「毕」黎食，入面好多料，方型嘅鱼蛋好特别好好食~而咖央多对我第一次食嘅人黎讲甜度刚刚好，多士 脆脆的，酱又唔会太腻。而食食下男朋友都话唔够食，最后加单加咗个#卤肉卷，十分脆皮而入面系满满芋头肉馅，唯一嘅缺点就系跟埋黎嘅辣酱因为唔系分酱上所以沾到少少，已经好麻辣，辣到我地2个都食唔到，如果想食可以试下叫佢分酱上先得。另外叫咗2杯冻饮，冻话梅 桔仔水 个人十分推介，冰凉得黎又清清地，仲可以解辣，唔会好似咸柑桔咁。而
苏妈苏妈 呢间黄店深信有睇开其他 Foodie 都一定会推介，终于有机会试到，真系值得黎食！
虽然黎到都要等位，都等起差唔多15分钟以上，不过都系值得。叫咗 肉骨茶 配捧捧骨，汤咖哩面 同 咖央多，墙上有介绍肉骨茶嘅食法，先饮汤再食肉，再饮汤~茶系我食过咁多间最浓味嘅，#当归 味最出，而捧捧骨就咁食就有D Dry, 但跟墙上介绍Mix 个豉油酱立即惹味晒！食到尾仲可以叫佢地加汤，呢个食法真系好少见！
而汤咖哩面系配米通粉，初时都惊会太辣，但入口只系好轻轻轻轻嘅微辣，甜甜地仲有好重椰香，米通粉质感比米线更滑，不过就有D 碎，食到中途已经夹唔起要用「毕」黎食，入面好多料，方型嘅鱼蛋好特别好好食~
而咖央多对我第一次食嘅人黎讲甜度刚刚好，多士 脆脆的，酱又唔会太腻。而食食下男朋友都话唔够食，最后加单加咗个#卤肉卷，十分脆皮而入面系满满芋头肉馅，唯一嘅缺点就系跟埋黎嘅辣酱因为唔系分酱上所以沾到少少，已经好麻辣，辣到我地2个都食唔到，如果想食可以试下叫佢分酱上先得。
另外叫咗2杯冻饮，冻话梅 桔仔水 个人十分推介，冰凉得黎又清清地，仲可以解辣，唔会好似咸柑桔咁。而男朋友叫个杯冻冬瓜龙眼水都唔差，不过浓味D甜D，重口味人士可以一试。
整体唔错，系坐位逼咗少少。值得返转头！
张贴
