敏華冰廳 (MOSTown新港城中心(4期))

营业中

休息中

排队食早餐。 真系好耐都冇试过啦。除冇去旅行既日子之外, 系香港真系未试过。咁早出黎去排队，当自己去冇旅行。其实未食过敏华, 今日一早出黎，正谂紧食咩，朋友见到佢大排长龙, 就过黎睇下。我地都心谂，洗唔洗呀？茶记都要排队?基于好奇心, 即管排下睇佢有几好食。好在, 条队都算快。 其实佢都唔算细, 冇限聚令, 又劲搭枱都咁多人食, 好奇怪。我地叫左忌廉鸡汤火腿米粉,配厚多士炒蛋热柠茶。先试个厚多士, 同一般茶记真系好唔同, 有自家制既质感, 够软, 连包皮都软, 够松软好味。鸡汤够清, 米粉有口感又入味。面炒蛋够香滑亦唔太油, 放冻左都唔会变一旧旧。只系热柠茶就一般d, 不过唔太苦涩已经算好饮。所以唔怪之咁多人排队。 原来真系几好食。 值得既。