影片
更多
2014-07-26
3948 浏览
番完一个星期工终于到星期六啦，轻轻松松去食个午餐+下午荼先，其实之前已经锁定左目标就系茶木啦(因为同事前两日食过话好食)，今日去果间茶木系位于琼华中心10楼，下午3点05分上到去，一出lift真系有d吓亲，成条走廊都系等紧入坐既人，粗略估计应该有成40人，唔理锦多去罗2人筹先，号码已经去到40号，而当时叫紧既系1号，锦唯有落街兜个圈再上黎啦，25分钟后上黎已经叫到23号，因为好多人罗完筹见到个号码已经唔想等就走人，我地系走廊再等多10分钟就入得坐了。餐厅都算几宽敞干净，餐牌好似一本杂志锦而且图文并茂，所以我地好容易简到我地今日想食既野啦! (吉早烤香肠肉燥饭、冻巧克力咖啡、巧克力香草蜜糖砖块)，落单时侍应就黎提醒我地有90分钟用餐时间，及巧克力香草蜜糖砖块既制作时间要30分钟。最先送上系冻巧克力咖啡($32)，最顶层系cream，cream上面有2条朱古力饼条(内有朱古力酱)及2块朱古力夹心饼，中间个层系沙冰，而最底既就系咖啡朱古力，饼好脆而杯野饮有好香浓既咖啡味，唔觉得苦或过甜，消暑一流。第二道送上系吉早烤香肠肉燥饭($56)，用一个看似木盒既胶盒载住(胶盒边位有甩油既情况)，肉燥饭
餐厅都算几宽敞干净，餐牌好似一本杂志锦而且图文并茂，所以我地好容易简到我地今日想食既野啦! (吉早烤香肠肉燥饭、冻巧克力咖啡、巧克力香草蜜糖砖块)，落单时侍应就黎提醒我地有90分钟用餐时间，及巧克力香草蜜糖砖块既制作时间要30分钟。
最先送上系冻巧克力咖啡($32)，最顶层系cream，cream上面有2条朱古力饼条(内有朱古力酱)及2块朱古力夹心饼，中间个层系沙冰，而最底既就系咖啡朱古力，饼好脆而杯野饮有好香浓既咖啡味，唔觉得苦或过甜，消暑一流。
第二道送上系吉早烤香肠肉燥饭($56)，用一个看似木盒既胶盒载住(胶盒边位有甩油既情况)，肉燥饭除左有燥肉(有肉香同肉汁，搅饭食唔错)，仲有切片香肠(香肠系微甜而肠皮比较韧，无想像中既台湾肠(黑桥牌肠)锦好食，半只流心蛋(无咩特别)，雪菜(唔会好咸好食)。
主角巧克力香草蜜糖砖块($68)，由落单计大约等左成45分钟先送上，黎个甜品系由雪糕+多士组成，最顶层有朱古力雪糕(应该系dreyers)，雪糕表面有绵花糖而侧边就有cream及士多啤梨，下层就有3块烘过既厚多士(每块都有成吋厚)，头2块中间系挑空，挑左出黎既多士再切成方砖形状，然后再放番入中空既多士(方砖多士烘到金黄色好脆，蜜糖味好特出，而其余既多士都脆既，但就无咩蜜糖味)，最底个块多士就无挑空，但多士底部就有士多啤梨果酱。用切好左既方砖多士点上雪糕黎食，真系好好食。原来2个人真系好难KO黎个甜品(我地食到2/3个甜品时已经好饱)，除非唔叫其他野食斋食雪糕砖块，用餐时都见到有2 pair人都静系黎食雪糕砖块，佢地果然有经验!
90分钟后侍应果然好准时锦提醒我地够钟，埋单系要自己罗张单出去埋的。今日黎个午餐+下午茶真系食得好满足!
张贴
