你妳 (已結業)

去开黄埔附近，想食台湾野，经过呢间「你妳」，虽然系外卖店，但都决定要买返几样野食先！😝首先我哋叫咗一个卤肉饭，肉汁唔会太咸，用嚟送饭简直一流！🤤当中附送一只流心蛋，只蛋甜甜地咸咸地好正！😋另外我地拣咗芋泥肉松吐司，甜咸嘅配搭真系好喜出望外！芋泥本身算系几甜嘅嘢食，虽然份量好多不过佢甜而不腻！😚😊食台湾野点可以唔叫盐酥鸡呢？呢个一口盐酥鸡炸得好脆，仲要大细刚好，每粒都好香口好邪恶！😜然后又点咗个芝士肉松蛋饼，本身担心味道会太浓郁，结果芝士唔算有好多，所以唔会好肥腻，咬落去嘅时候可以拉丝，虽然芝士肉松算系重口味嘅嘢，但掩盖唔到蛋香味，成个蛋饼真系冇嘢可以挑剔到！🤩😁最后叫左个仙草大满贯，叫个丰富啦，有三色芋圆、小芋圆、红豆、小布丁、水晶，好大兜，我地几个分黎食先食得晒！🤭😋我仲叫左杯野饮：芝士奶盖奶茶，好浓既芝士味，奶茶好滑，好大杯好解渴！🤤