串カツ専門店

营业中

休息中

挂住日本嘅除左刺身之外，仲有串串香口炸串同牛肠锅！今日去居酒屋居然我遇到，即刻同朋友系咁叫！见推广紧枝豆菜式，做炸鱼饼应该唔错，果然鱼饼炸得香口，加上枝豆有咬口，好衬！另外海鲜沙律好开胃口，有好多鱼生粒，最紧要系个沙律酱酸甜酸甜好开胃！难得有炸串食当然不能放过，蔬菜海鲜肉类样样都要试吓！蚝肉有烟肉包住，咸香烟肉渗出好肉鲜甜味超赞！另外带子炸串非常鲜甜，又够大只，食得好满足！另外推荐猪腩肉炸流心蛋，咬落腩肉油香溢出，蛋黄香味非常突出，仲有大虾同芦笋，一款鲜味十足，另一款够晒清甜，每款炸串外层都非常薄脆，个人钟意肉类点黄豆酱，更能吊出肉香味！另外点上盐味牛肠锅，牛肠肥美爽弹，盐味汤底加上明太子带出咸香味道，配上柠檬片再多一阵清新香味，食完揸车啖汤饮落好舒服！不过注意牛肠真系唔能够煮太耐，如果唔系就真系咬唔开！呢度食物几有水准，而且气氛好好，成晚食得好开心！