影片
更多
2015-09-13
6223 浏览
迪士尼开左10年, 一路都未试过去佢地酒店食自助餐, 难得好姐妹迪士尼白金卡生日送1个免费, 所以就几个一齐食摊分左个送一价钱.我地食第2时段, 8:00~10:30, 我地7:45左右已经到, 门口坐左D人响度等, 不过我地首先排队, 所以一到8点第1队即刻可以入. 我地分配到坐中间位置, 第一次入黎原来入面好大, 好多位, 不过今晚星期6差不多坐满. 枱与枱之间其实都几近, D公仔黎到影相, 路人甲乙好易入镜.放低野就即刻出去睇下有咩野食, 由门口开始系冷盘, 寿司, 刺身.冷面等等, 好精致.拎左几样返去, 连芥辣都有米奇样. 刺身几新鲜, 唔错.跟住隔离系热盘, 唔记得影个档口, 有片皮鸭, 包鱼带子, 烧卖虾饺, 羊架, 烧牛. 样样都几好, 最钟意有片皮鸭, 而且夹住黎食既包系猪仔样, 好得意.仲有好多其他热盘, 京都骨, 炒饭, 鲈鱼, 猪肉卷, 另一款带子.仲有韩式年糕, 日式炸小丸子, 印度薄饼, 印度咖哩, 猪颈肉, 天妇罗, 等等.因为实在太多种类, 就是但拎左D返去试, 样样味道都几好, 咖哩有D辣.仲有其他冷盘, 长脚蟹, 青口, 翡翠螺, 三文鱼, 吞拿鱼
我地食第2时段, 8:00~10:30, 我地7:45左右已经到, 门口坐左D人响度等, 不过我地首先排队, 所以一到8点第1队即刻可以入.
我地分配到坐中间位置, 第一次入黎原来入面好大, 好多位, 不过今晚星期6差不多坐满. 枱与枱之间其实都几近, D公仔黎到影相, 路人甲乙好易入镜.
放低野就即刻出去睇下有咩野食, 由门口开始系冷盘, 寿司, 刺身.
冷面等等, 好精致.
拎左几样返去, 连芥辣都有米奇样. 刺身几新鲜, 唔错.
跟住隔离系热盘, 唔记得影个档口, 有片皮鸭, 包鱼带子, 烧卖虾饺, 羊架, 烧牛. 样样都几好, 最钟意有片皮鸭, 而且夹住黎食既包系猪仔样, 好得意.
仲有好多其他热盘, 京都骨, 炒饭, 鲈鱼, 猪肉卷, 另一款带子.
仲有韩式年糕, 日式炸小丸子, 印度薄饼, 印度咖哩, 猪颈肉, 天妇罗, 等等.
因为实在太多种类, 就是但拎左D返去试, 样样味道都几好, 咖哩有D辣.
仲有其他冷盘, 长脚蟹, 青口, 翡翠螺, 三文鱼, 吞拿鱼沙律等等.
其实食左半个钟, 公仔已经出黎同每枱既人影相. 大约9点突然米奇就拎住蛋糕黎我地果枱, 原来好姐妹订左蛋糕, 所以呢度影相又影左一轮, 同米奇又切蛋糕, 又唱歌, 搞左好耐. 过左我地呢枱之后, 陆陆续续隔离几枱都系由米奇拎蛋糕出黎庆生, 米奇都几忙.
玩完一大轮都就黎10点, 所以即刻试下甜品先, 甜品部中间有个好靓既睡公主城堡.
甜品应该有十几种, 部份有公仔样.
其他就苹果酥, 朱古力蛋糕, 泰式甜品, 芒果挞, 款式多到数唔晒, 其实样样个样都好吸引.
因为都几饱, 所以试左几样, 甜品唔会太甜, 可能不断refill, 所以甜品无吹到干晒, 唔错.
呢间食自助餐1个时段周六要$568, 我地送一, 4个人除开系4百几, 比起平时悭左1旧水左右.整体 野食好多种类, 味道亦都正常新鲜, 无咩野难食, 不过正价加一要6百几, 有人就会话无咩贵价款式, 所以钟意同公仔影相先好黎, 唔好纯谂住食, 因为呢度影相时间多过食野, 全晚总共出左4只公仔同人影相.
张贴
