K2 Kitchen (已結業)

搬咗office咁耐都未同大口仔食过lunch，今日佢话嚟呢度试吓㖞。Set lunch有多款选择，由$68至$158不等，包精致小点、沙律或汤、甜品，而每款主菜都可以配菜或有机糙米饭精致小点芝士无花果饼干，第一次咁样食，芝士味香浓，盖过咗无花果嘅香，如果可以用新鲜无花果粒就好了，但整体都几好食！杂菌汤有诚意嘅汤，texture较稀，但每一口都充满菇粒，口感激好，饮完都唔会觉得好腻照烧加拿大牛小排 ($108)卖相几好，旁边唔会求其咁放啲杂菜就算，每款菜下面都有一种独特嘅酱汁，有红菜头汁、南瓜汁及豆汁，诚意十足！西兰花仲切得好有心思，一柱擎天咁！牛小排嘅内层仲keep到少少粉嫩，肉质细嫩，满口油香，将每一小块牛小排塞入饭里面一齐食，真系正到呢！！！！烤羊扒伴虎虾 ($158)3大件烤羊扒，有手掌咁大嘅虎虾烤得香气扑鼻，厚肉多膏；根据大口仔讲，羊扒外层脆卜卜，肉质松化又juicy，但可以再膻啲都得，我心谂唔好喇呱已经好膻喇㖞！唯一问题系煮得熟咗啲，想食嘅朋友记住落单𠮶阵要求煮得生啲喇！朱古力mousse 本身见到系朱古力都唔系几想食，但见佢细细件咁就试吓啦。朱古力味道唔浓，偏甜多啲，软绵