常麵館 (已結業)

好冻既天气，最岩食个热辣辣既面，所以黎左常面馆!简简单单但好满足!两个3𩠌面茶餐($36)，仲有埋野饮，系呢个地段真系好抵，所以好多人黎食!食完仲更加觉得抵，因为份量充足之余，提供既食材非常优质!!!猪红大啡菇猪手番茄薯仔汤米线，个汤唔系味精汤，真系食到有番茄洋葱而且好香浓，个啡菇同米线吸晒D汁好味道，猪红口感爽滑又够弹，猪手满满骨胶原，3款𩠌我都觉得好正!食到尾连汤都唔放过饮埋!好饱好丰富!牛肚牛柏叶鱿鱼蒜香汁捞粗，牛肚干净好够冧，鱿鱼牛柏叶爽脆，鱿鱼仲好大条添!下午茶西多士 ($32)，有花生酱加粗花生粒有口感，牛油蜜糖都俾得好大方，好甜好邪恶!瑞士鸡中翼 ($28)，有6只，只只都好肥美有肉!再配埋冻柠茶，食完热野又饮冻野，真系好爽!呢度好多鬼灭figure ，我坐个台有蝴蝶忍~仲要好多NEON 招牌~而且仲有大电视睇~~我影左呢个好出名既我要进来了，岩晒打卡!讲真，3点几入去食，但都真系几多人被吸引进来了!餐厅都几易揾，就系历史博物馆对面，而且算系个条街既唯一食店，所以都好当眼!不断有人出出入入。