梅丘壽司の美登利総本店 (青衣城1) (已結業)

特登带亚妈去青衣美登利，因为之前去日本觉得美登利系超级平靓正。喺日本要排大队，但青衣哩间，我去两次都唔多过三枱客。第一次去食嘅时候，喺日本都系食哩个set ，唔好谂咁多就要呢个乜都有，好抵食，都算新鲜，拍得住喺日本食嘅质素，不过紫菜淋左嘅。第二次带亚妈去食就出事。五色刺身价钱吸引，谂住大件夹抵食，不过质素强差人意。玉子好甜，而且冻到牙都痺。我最期待嘅吞拿鱼极瘦，仲变埋色，咁都仲俾人食。其他刺身正常。天妇罗虾卷令人超失望。成条虾唔热不特只，仲系淋左过左气。一定系午市炸多左，晚市照用。我觉得哩间分店简直系陀衰家有损美登利嘅品牌。好在服务加番少少分，退左个天妇罗虾卷，经理有礼貌地道歉，希望佢哋会改进，因为我真系好钟意食寿司。