大圍合發雞粥 (已結業)

朋友食过这间大排档话好正，今日专登带我哋去试吓， 6:00开门，唔够5分钟已经坐满客人。正宗大排档格局，大大张圆枱。餐牌只有三张，一目了然，仲有一啲时价海鲜。韭菜猪红，猪红好滑，韭菜够味冇渣。卤水拼盘，真系好多不同的料，唔会太咸。金衣鲜鱿，即系咸蛋黄鲜鱿，咸蛋黄包住新鲜的鱿鱼，味道甘香，好食，可惜份量并不多。大排档不能少的小炒王，好香口，份量都好足。椒盐九肚鱼，虽然份量不是太多，但系啖啖肉，入口香脆。蚝饼，差唔多枱枱都会叫，分量很大，蚝仔很多，酥脆，香口。六个𩠌+4支啤酒，买单726。正宗大排档风味，煎炸嘢非常好。进餐时见到有很多客人不停地外卖。而且餐厅外都坐满客人，非常热闹。但系最好6:00去到，如果唔系真系有排等位。