台灣麵 (已結業)

今日同女人出开花园街买野，行完就去左始创揾食。间野喺地牢𠮶层几显眼，好明显就知系食台湾野，又唔系贵。都几多枱，唔系坐得迫，所以好快有位坐。招牌生果茶，百香果茶做底，加左橙同柠檬落去，令到杯野甜得黎又酸酸地。宝岛珍珠奶茶，女人话珍珠几烟韧，奶茶好滑，唔系好甜几好味。凉拌鸡丝粉皮，满满的麻酱捞埋爽口既青瓜同粉皮，一啲都唔漏好好食。金银蒜炒白菜仔，啲蒜炒完几香好入味，菜炒得几淋身。蚵仔煎，食落真系好似台湾既质感同味道，韧韧地唔黐口，酱都系同当地差唔多味，只系无用菜做底~红烧牛肉面，汤底香浓又有少少辣，肉质腍得黎又几有嚼口，面条亦都几烟韧。