手作鮮芋站 (已結業)

朋友知道我系芋泥控，特登推介我嚟呢一间舖头。𠮶日同朋友喺度叫咗外卖， 芋泥奶冻吐司芋泥够绵密，芋头味香浓。奶冻超厚切又够软滑，呢个配搭好正，真材实料，芋泥控必试。鲜奶芋圆系列2号(三色芋圆,仙草,蜜红豆,芝麻汤圆)芋圆烟韧有咬口，紫薯，蕃薯和芋头味都各有千秋。仙草份量多，味道清香，口感超顺滑。芝麻汤圆即时烹煮，同鲜奶冷热交融，制作用心。手作芋泥鲜奶加寒天手作芋泥味道天然又够幼滑，配上牛奶的配搭冇得输。加埋寒天，饮落去有咬口，但又唔会太滞。可以一次过同朋友试左咁多款芋泥甜品，真系好满足。芋泥控真系不容错过。