沙拉姆咖喱屋

营业中

休息中

呢一间喺油麻地嘅印度餐厅地方认真狭窄，真系名副其实嘅小店，不过佢啲印度菜就做得好出色，所以虽然坐得唔系好舒服，不过为咗食好嘢都系值得嘅。一坐低就每人有一件胡椒卷饼作为免费餐前小食，点埋佢绿色𠮶个汁少少辣几开胃。佢呢度嘅素材咖喱角做得好出色，个皮唔会太厚，入面嘅馅以薯仔蓉为主，好和味，侍应拎到嚟仲系热辣辣嘅，所以特别好食。我哋主菜叫咗传统印度烧烤拼盘，入面有无骨烤鸡件、去骨烤鱼块、烤羊肉卷同埋印度炭炉烤鸡件。整体做得唔错，虽然系烧烤但系无论系鱼鸡同羊都有肉汁，佢似乎真系用炭去做烧烤，因为食到𠮶阵炭香味。呢个印度芒果乳酪都几好饮，唔会太甜。