燈籠滷味 T.P.E. (M88) (已結業)

上星期去中环影相，临走前去左灯笼卤味外卖要反屋企同屋企人share食先！C 鸡翅膀、鸭胗、麻吉烧、野生黑木耳、高丽菜 $68 + $3 手工乌龙面: 超级推荐大家食！最饱肚的主食！鸡翼几入味size适中，鸭胗口感完全吾觉太硬而怕难消化，床吉烧细细粒，口感几弹牙。黑木耳酸酸地几开胃。高丽菜吸入左汤汁，食落几入味。特登加左3蚊转手工乌龙面，面质弹牙又够滑口，吸入左酱汁，更加入味。G 眷村怀旧排骨便当 $68: 本身对便当无抱太大好感，但依度既便当未免太丰富了吧！排骨口感几实肉，下层全是已调味既粉丝，口感好弹牙又爽口。饭既份量对我黎讲刚刚好，因为食完成盒便当会几饱肚！饭上仲有几粒鲁肉粒，另外仲有少少野生黑木耳作小食，酸酸地令人几开胃。海苔盐酥鸡 $24: 食台湾野必定食叫盐酥鸡，鸡粒好方便食，炸得好香脆而咸味刚好！鸡肉吾会鞋口之余，食落几惹味添！台式香蒜肠 $19: 依款台湾肠比我想象中味道较咸一点，对比出面既肠口感食再实啲啲。甘梅香脆地瓜条 $19: 每条大小粗幼适中，炸得吾等太油腻，食落吾会渗出油份。地瓜条味道香口，价钱较便宜，值得作为小食啊！两个餐均有热冬瓜茶配送，味道几甜。