富山居 (裝修中)

今日出去考完試 返嚟大埔都仲係好早 就去咗謂語大元街市嘅《富山居》呢間已經成日聽啲街坊講好好食 份量又足料 價錢又唔貴 今日一於到我試吓佢先！牧場烤多士加茄汁焗豆配照燒雞肉奄列 因為朝頭早唔想食太多野 所以叫咗呢個照燒雞肉奄列 好似比較特別 出邊都唔係好聽到有啲咁嘅款式😍 雞肉好滑 同個奄列一齊食啖啖肉 估唔到佢哋咁夾 除此之外個烤多士都好熱辣辣 烘到卜卜脆 唔會太窿 同茄汁豆一齊食好惹味滿足！茄汁焗豆加脆薯餅配網燒牛扒 配農場煎蛋/脆皮腸/火腿/豬柳漢堡我揀咗配豬柳漢堡 網燒牛扒雖然薄切 但係味道都唔錯 有肉味 唔算乾 薯餅卜卜脆 炸到好熱辣辣 最緊要係個薯餅唔會太油膩 味道都唔錯！總括嚟講 如果諗唔到食咩早餐 可以過嚟呢度！真係捧住個肚返屋企啊🙈