喜喜冰室 (已結業)

刚刚在隔离参加完活动，已经晚上 9 点几，友人推荐呢间餐厅，话佢好怀旧好有特色。我点咗一份特餐，可能因为个餐同澳牛太似，所以难免我会将佢哋作出比较。多士够厚，牛油味香，外脆内软，好味!炒蛋一般，吾够滑。叉烧汤意粉味道一般，无惊喜。J 大人点咗呢度嘅怀旧茶餐，有鸡批浮台同香蕉班戟，值得推介。鸡批浮台其实即系鸡批＋青豆蓉汤。鸡批牛油味香浓，净食都好好味，而青豆蓉汤净饮好豆味，可能J 大人饮唔惯，唔系太钟意，但系估唔到一齐食几夹，几好味。班戟加上焦糖糖浆、香蕉、合桃，味道好夹，连一向唔钟意食熟水果嘅 J 大人都赞好。