十十川滬料理 (已結業)

妈咪最钟意食上海菜，喺朗豪坊行完街比我地发现Food Court 隔离就有间”十十川沪料理”!餐厅入口喺正food Court 入口嘅另一边，唔算太显眼，餐厅装潢简洁清新风，座位阔落舒适，特大卡位啱哂我地放战利品！扫QR code 落单好方便，店员有礼介绍，赞！🌶️珍宝海鲜干锅🦞 $328 放满海鲜嘅干锅，上枱时真系冒哂烟又好鬼香！海鲜干锅有蟹、鲍鱼、海虾、大蚬、鱿鱼酥等，每款干锅配菜仲有有薯条、莴笋同莲藕等，非常十分劲丰富！酱汁用左花椒同八角等调味，令成个干锅香气扑鼻！一路食仲有火暖住，越食越惹味！款款海鲜都好足料又美味，我就大爱鲍鱼新鲜又够软身！妈咪都赞粒粒大蚬肥美仲冇沙！超级好味！🥟鲜肉小笼包 $58招牌菜之一小笼包，用薄薄嘅外皮包住满满汤汁，一啖咬落去D汁仲热辣辣，鲜肉馅料肉味香浓！必试!🍚麻辣牛肉京葱粢饭 $58 一份有4件嘅粢饭，外面用保鲜纸包住好方便拎上手，麻辣味适中，牛肉软嫩，配埋京葱食好夹！份量细细地啱哂我地！ 🥤饮品点了黑糖冰粉豆浆 $38估唔到好好饮！黑糖香甜而不腻，豆味浓郁，加左冰粉口感弹牙！好清爽！十十川沪料理地址📍： 旺角亚皆老街8号朗豪坊4楼7号舖