越興園越南菜館 (已搬遷) 新店位置

旺角虽然好多野食，不过想食越南野又唔系咁易揾。之前经过越兴园好多次，但见佢唔太多客人，所以都唔敢贸贸然入去食。试完今次后，觉得有下次！舖头几细间，系座位间穿梭都几迫。而坐得几迫，两个人预左要搭权。食物整得好快，落左单几分钟就有得食烤猪肉捞檬 ($34)面头舖上好多猪肉，好林同入味，正！而捞檬最重要的，其实系佢的汁！呢度的汁酸度刚刚好，食到底唔会觉得好酸。而檬粉索左汁后好入味，好滑。面头的配菜调味料亦够：花生粒整得够细，亦唔会炸得过左龙。红罗白丝同菜丝充足，捞埋汁好好味！份量中等，女仔刚刚好，但男仔应该唔够食。海南鸡饭 ($38)即使唔系鸡脾肉都唔会"鞋"，而且入味。食得出佢的饭系用鸡油调味，都ok不过饭比较松散，无海南鸡饭应有的感觉。想返转头，呢间系食越南野，又岂会有地道的海南鸡饭?见到搭台的人食的汤金边粉好像也不错！下次试试！P.S. 呢度服务欠奉 (除左落单同上菜)，但都收加一。