漁牧 (已結業)

父亲节订咗枱食中菜庆祝，六点嚟到入面已经好多客人坐低食紧野。我地嗌咗全只烤鸭配二食。如果想食片皮鸭，最好早一日订或者早啲嚟食，唔系嘅话好易冇晒。等上菜都等咗几耐，因为始终系即叫即烤。嚟到即刻包咗旧食下，鸭片好脆肉又厚，几惊喜。加上块皮够薄，整体嚟讲算几有水准。不过二食就冇咁抵食，多多凉瓜冇乜肉，可能啲肉已经差唔多切晒系片皮鸭。水煮鱼系呢度算系名菜，梗系要试下。我地拣咗酸辣清江鱼，出到嚟条鱼都几大，下面有火keep住保温。啲肉算滑，个汤偏酸唔辣，一啖酸辣汤一啖鱼肉，两样加埋都几夹。