有得餃 (已搬遷) 新店位置

之前食过呢间食店嘅美食车﹐五色饺都唔错，所以想试下佢地舖头嘅其他野食，就捉咗男友同我嚟。油渣面 - 必食推介! 香港地唔系好多地方有油渣食啦! 油渣干身脆口，冇『油益』味，面就系上海粗面果d款，配料有冬菇、小虾，汤头清清地，更显油渣香口味道。秘制上等德国醉猪手 - 猪皮部份够爽弹，酒味已渗透猪手肉，正!西洋菜猪肉饺❨8只❩ - 我未试过食西洋菜包嘅饺子，点呢款饺，全因男友爱『鬼妹』。饺子皮厚薄适中，d西洋菜又几甜wor﹐食得到馅料嘅新鲜。佢地有自家制酱汁，用来配饺子，可以选辣或者唔辣，因为我唔食得太辣，所以点了一辣一唔辣，好好好好好味啊! 大家一定要点呢个酱汁啊! 不过要预咗食完个口会有颇劲嘅蒜蓉味。总括以上食物份量都好足，价钱合理，亦美味。会再来食。