影片
更多
2017-12-23
250 浏览
女仔大都系钟意食环境，临近圣诞，我同好朋友难得一聚，黎到一间充满圣诞气氛嘅西班牙餐厅。周围都摆放住圣诞装饰，好有节日气色啊！先黎嘅系饮品，我果杯洗鲜杂果Mojito，微微嘅薄荷味，带有清甜嘅果香，赞！头盘叫左西班牙多士拼盘，总共有五件。每件多士嘅topping都唔同架，有牛肉蟹钳、鲍鱼、忌廉磨菇、火腿蜜瓜、同埋烟三文鱼，总有一款啱你口味。我最钟意牛肉蟹钳同埋鲍鱼，烧牛肉牛味浓唔会干，估唔到同蟹几搭配。鲍鱼有别于中式嘅味道，系甜甜地嘅，好有咬口。多士松化脆身，加上蒜牛油蓉焗，特别香口惹味。我同朋友都特别钟意食海鲜，所以点左海水啤酒海鲜火锅。有虾、带子、蚬、海螺同埋蟹钳，全部都好新鲜好甜美。尤其系虾特别好食，爽口弹牙。汤底值得一赞，唔会太浓，微辣反而带出海鲜原本嘅鲜味，唔洗点酱汁都已经好滋味。原来茶壶造型嘅锅唔只系gimmick黎，仲有作用架，就系俾客人品尝埋火锅嘅汤底。海鲜嘅精华落晒汤底所以好甜，加埋酒香同埋海水微微嘅咸味，简直滋味满分。虽然有少少辣，但系我都忍唔住饮左好多杯。甜品方面，杂果麻糬窝夫实在系睇得又食得！口感软Q嘅窝夫形状好似一朵花，杂果色彩缤纷，好吸引！值得一提系有新鲜无花
先黎嘅系饮品，我果杯洗鲜杂果Mojito，微微嘅薄荷味，带有清甜嘅果香，赞！
头盘叫左西班牙多士拼盘，总共有五件。每件多士嘅topping都唔同架，有牛肉蟹钳、鲍鱼、忌廉磨菇、火腿蜜瓜、同埋烟三文鱼，总有一款啱你口味。我最钟意牛肉蟹钳同埋鲍鱼，烧牛肉牛味浓唔会干，估唔到同蟹几搭配。鲍鱼有别于中式嘅味道，系甜甜地嘅，好有咬口。多士松化脆身，加上蒜牛油蓉焗，特别香口惹味。
我同朋友都特别钟意食海鲜，所以点左海水啤酒海鲜火锅。有虾、带子、蚬、海螺同埋蟹钳，全部都好新鲜好甜美。尤其系虾特别好食，爽口弹牙。汤底值得一赞，唔会太浓，微辣反而带出海鲜原本嘅鲜味，唔洗点酱汁都已经好滋味。
原来茶壶造型嘅锅唔只系gimmick黎，仲有作用架，就系俾客人品尝埋火锅嘅汤底。海鲜嘅精华落晒汤底所以好甜，加埋酒香同埋海水微微嘅咸味，简直滋味满分。虽然有少少辣，但系我都忍唔住饮左好多杯。
甜品方面，杂果麻糬窝夫实在系睇得又食得！口感软Q嘅窝夫形状好似一朵花，杂果色彩缤纷，好吸引！值得一提系有新鲜无花果，好清甜。
张贴
