大紅袍火鍋料理

营业中

休息中

好耐都无打边炉啦，之前听朋友介绍呢间大红袍好好味，于是就淰住去试下啦。好彩提前一个星期book位，星期六夜晚九点去到都好full。汤底要左朋友推介的火焰清酒醉甲锅，再叫左顶级安格斯牛颈脊，冰豆腐，西班牙猪肉，墨鱼滑，鬼马虾胶，黑松露水饺。我地等左起码15分钟个锅先到，餐前小食已经比我地食晒。锅底材料都几足，有花甲，冬瓜粒，洋葱，同牛肉粒。店员会帮忙烧一烧个锅先，再加汤落去煮。我地每人饮左两碗汤，个汤唔错，不过我略嫌酒味太重，但朋友觉得ok。安格斯牛颈脊有d失望，无么牛味之余仲有d鞋。鬼马虾胶真系唔错，放落汤度浸一分钟左右就食得，仲好脆。黑松露水饺个黑松露味坚劲，不过有d腻，每人两粒就够晒啦。墨鱼滑都有d失望，墨鱼味不重，也不算弹牙。冰豆腐好正，索晒个汤底，好好味。总括而言呢餐尚算唔错。不过贵左d，两个人食左840蚊，服务态度几好，但食物质量有待改善。