小曼谷泰國美食 (教育路)

营业中

休息中

晚市好多人都订咗枱，好在人少易等，两位等10分钟就入得。叫咗个青咖喱猪，对于唔太食得辣嘅我就觉得麻麻地，猪肉都冇咩特别。叫咗一碗饭黎捞咖喱汁，但食完饭都仲有好多咖喱汁剩，所以后加左一个原味烤薄饼，薄饼冇影到相，但系都几好味。叫咗一串猪肉同埋鸡肉，烧得几香，我比较钟意食鸡肉多过猪。呢个牛油蒜蓉虎虾好正，好香蒜蓉味，点埋泰式辣酱更加好味。香烧扇贝同上面嘅虎虾系一个套餐， ＄198有呢两样𩠌，带子都烧得好好味，而且几大粒。最后叫咗甜品，椰汁西米糕，但系西米糕得返四个，所以搭咗两件千层糕俾我哋。呢个椰汁西米糕真系好正，甜到刚刚好，食完两粒都唔够喉，可以encore。千层糕系热食，啱啱整起好热，食落烟烟韧韧又几好味，但个人比较喜爱椰汁西米糕。