船長意法日餐廳 (已結業)

我个friend就建议不如一齐去对面街嘅船长餐厅食饭，我哋一入到去职员就已经问我地要咩汤底，其实我咩都未开始睇，咁见佢问我就叫咗个番茄汤底啦，然后我先慢慢开始睇下个餐牌，佢系分几个价位嘅放题嚟嘅，我个friend就话食198𠮶个已经好好㗎啦，之后我哋就轮流出去攞啲嘢食返嚟啦，我返到嚟估唔到仲有烧烤𠮶边，同埋放低左一啲海鲜同埋一啲烧烤嘅嘢食，两个人就会送一set 㗎啦，其实我哋攞咗一啲嘢食加埋𠮶set野之后我感觉到我哋已经会食唔晒，同埋所有嘢食我觉得都性价比高好新鲜嘅，全消方面就系泰式口味香茅味好重好香好好味呀，同埋佢有好多蔬菜俾你烧烤平时去啲烧烤店食都成30几40元一碟嘅菇、茄子🍆依家可以食个够嘅，而最推介嘅系佢嘅老火汤，我估好多人都会忽略咗，但系佢个老火汤真系好似阿妈煲嘅汤饮好好饮，另外个餐仲有啲牛肉、鸡肉、猪肉系打边炉嘅，个牛肉肥瘦均匀同埋好林好滑，真心真系食多几碟都会晒本，最后咪我同朋友食到饱到顶唔住，但系真心讲我下次一定会再嚟，佢唔会因为多选择而出品唔好，样样野都做到个水准，性价比极高