明星海鮮酒家 (已結業)

假日同屋企人饮茶，食量不大所以三个人叫三样嘢就够我好钟意芝士又钟意伊面，所以如果间酒楼有芝士伊面我通常都会叫😋 明星嘅芝士伊面系配虾而唔系龙虾，不过由于我唔食虾亦唔食龙虾，所以对我嚟讲冇分别😂😂 芝士汁水准稳定，芝士味香浓，唔会有骚味，质地稠身，好容易就挂满喺伊面👍🏽🤤 而伊面就水准冇咁稳定有时弹牙啲有时淋身啲，今次就略微太淋，不过捞埋芝士汁都好好食，推介👍🏽🤤另外叫咗烧汁煎酿茄子同家乡甜薄罉，茄子走油/炸过，外脆内软，配烧汁好夹，但烧汁水准唔稳定，有时味浓啲有时淡啲，撞手神😂家乡甜薄罉好味，煎完嘅薄罉卷成一条切件，再洒上香脆花生碎，我特别钟意食头尾，因为多边位脆啲，而花生碎就似平时糯米糍啲馅，都同薄罉夹嘅👍🏽总结：呢间酒楼水准唔太稳定，但差极有个谱，由其推介芝士伊面👍🏽