紅茶冰室

营业中

休息中

红茶冰室喺好多地方都有分店 净系荃湾区都有两间😎 想轻松食个下午茶亦都系一个唔错嘅选择嚟㗎 之前食过晏昼觉得食物质素唔错㗎😺店舖门口有出炉面包可以选择 又有蛋挞之类嘅食物 真系有好多港式经典啊🤭冰火脆皮菠萝油我觉得最好食系呢碟😋 虽然只系简单嘅菠萝包再配一片牛油🧈 但系菠萝包非常软熟啱啱出炉热辣辣 再用到切开菠萝包 放入呢片厚厚嘅牛油 真系满口幸福嘅感觉🥰 虽然系好邪恶啊 但系非常推介 呢个冰火菠萝油仲配红豆冰㗎🥤脆炸鸡髀伴薯皇价钱虽然唔算特别平 但系呢度嘅食物真系有一定嘅保证 鸡髀炸到外脆内软 再配埋喺外面少有嘅薯皇真系好开心🍗脆炸鸡翼伴薯皇呢碟同鸡髀有啲相似 只系鸡髀转咗两只鸡全翼 钟意吮骨嘅朋友应该会钟意呢啲多啲🙈 我就觉得两碟嘅食物质素都唔错啦蛋挞呢碟系额外追加 一样系新鲜出炉 系酥皮蛋挞嚟嘅 食完呢碟更加觉得呢度嘅面包类食物都非常出色😌 如果大家唔系太肚饿又想简单食个下午茶☕️ 真系好推介嚟呢度食个出炉面包或者蛋挞啊