影片
更多
2023-05-10
56 浏览
身边住元朗嘅朋友都听过元朗新记，身为元朗老字号，元朗新记近年喺各区都开咗分店。除咗元朗本店，佐敦都开咗一间新记，咁以后唔使入元朗都食到元朗名物喇🤩店内看似同一般茶餐厅无异，但凭住出色嘅美食大受食客欢迎，当日店内坐满咗8成，人流颇多，眼见侍应手脚勤快，态度友善，不时与熟客打招呼；睇睇餐牌先，发现食物选择好多，除左佢哋嘅驰名粥品外，仲有多款港式经典特色粉面饭同招牌小炒系列👀作为老字号生滚粥店，紧系要试下佢啲粥品啦，我哋拣咗贵妃鸡蚝仔粥，粥底入口绵滑，最正系鸡肉精华完全融入晒去粥入面，但又唔会有太多鸡油～而且米粒已经开花，大米嘅香气同蚝仔嘅鲜味融为一体，食完一碗，由个口暖到去到胃到😋由于对香口嘢特别情有独钟，我哋叫咗蚬介鲮鱼球同埋酥炸鱿鱼须，蚬介鲮鱼球一定要叫因为出面唔多铺头有出呢款食物，鲮鱼球粒粒饱满，size大概系细扭蛋少少，焦黄色嘅黄色外皮皱皱地，一啖咬落去，丰富油脂同咸香喺口中散发，柔韧得嚟带弹牙口感，好快就清碟。酥炸鱿鱼须亦系店内热卖小食之一，虽然话就话系小食，但系份量一啲都唔少，仲有手指咁粗😆 新鲜炸起嘅鱿鱼须热辣辣，每条鱿鱼须充满弹性，又唔会过于油腻，真系有啲相逢恨晚嘅感觉🤭最
身边住元朗嘅朋友都听过元朗新记，身为元朗老字号，元朗新记近年喺各区都开咗分店。除咗元朗本店，佐敦都开咗一间新记，咁以后唔使入元朗都食到元朗名物喇🤩店内看似同一般茶餐厅无异，但凭住出色嘅美食大受食客欢迎，当日店内坐满咗8成，人流颇多，眼见侍应手脚勤快，态度友善，不时与熟客打招呼；睇睇餐牌先，发现食物选择好多，除左佢哋嘅驰名粥品外，仲有多款港式经典特色粉面饭同招牌小炒系列👀
作为老字号生滚粥店，紧系要试下佢啲粥品啦，我哋拣咗贵妃鸡蚝仔粥，粥底入口绵滑，最正系鸡肉精华完全融入晒去粥入面，但又唔会有太多鸡油～而且米粒已经开花，大米嘅香气同蚝仔嘅鲜味融为一体，食完一碗，由个口暖到去到胃到😋
由于对香口嘢特别情有独钟，我哋叫咗蚬介鲮鱼球同埋酥炸鱿鱼须，蚬介鲮鱼球一定要叫因为出面唔多铺头有出呢款食物，鲮鱼球粒粒饱满，size大概系细扭蛋少少，焦黄色嘅黄色外皮皱皱地，一啖咬落去，丰富油脂同咸香喺口中散发，柔韧得嚟带弹牙口感，好快就清碟。酥炸鱿鱼须亦系店内热卖小食之一，虽然话就话系小食，但系份量一啲都唔少，仲有手指咁粗😆 新鲜炸起嘅鱿鱼须热辣辣，每条鱿鱼须充满弹性，又唔会过于油腻，真系有啲相逢恨晚嘅感觉🤭
最后，加多只红烧元朗脆皮乳鸽，乳鸽皮脆肉滑，烧出嚟嘅色泽都几均匀🥴撕开脆皮嘅一瞬间，已经feel到油脂好丰富，系一种又鲜又嫩嘅感觉💦轻咬一啖乳鸽，肉同汁都出晒嚟，连骨头都入晒味，配上椒盐，别有一番风味。最后叫多两杯热豆浆，会饮到有啲腐竹碎喺入面，香甜幼滑，好有豆味😆 系一大惊喜，本来仲想试埋其他小炒系列，奈何食咗咁多款美食，饱得肚皮容纳唔到更多，唯有留少少遗憾，下次再试👀
张贴
