山旮旯 (已結業)

铜锣湾山旮旯，每次去呢度都有少少迷路🤣上网book枱下午茶时段有折扣都几抵食。温泉蛋三文鱼凯撒沙律，加入温泉蛋又几特别，蟹肉牛油果沙律牛油果都几多，个人比较喜欢后者。脆皮猪手够大只，啲皮都几脆，最抵食，眼见都好多人叫。忌廉芝士蟹肉螺丝粉，真系要趁热食，一冻左味道就差少少🤏日式青芥末烟三文鱼薄饼，中间放多咗几片烟三文鱼。黑松露露荀意大利饭配香煎带子，带子大只，好Creamy好好味😋美禄恐龙呢款饮品就最多人钟意，侧边都见到有两台客都系叫呢款，系几好饮嘅！不过我就钟意桂花红枣蜜多啲，够滋润。巴斯克伯爵茶芝士蛋糕🎂就比较甜，叫甜品就为咗帮朋友庆祝生日，可以预先同餐厅讲写定祝福语！不过庆祝生日嘅气氛就不及去年了！