Le Viet (已結業)

良朋好友在呢D时间，真系要聚聚倾下计。为左方便各路人马，旺角都系大家最爱的地点，所以找个平平地又好坐又好食的地方，我地就来左LE VIET, 见佢餐牌都几多野食，而且价钱又非常OK，所以就入去食。晚上都唔驶等位，直入去在边位坐。见到前面既食客桌上叫左越式咖哩软壳蟹配法包，见好像几正咁，我地又点左一个。好好味而且KEEP住有个火，咖哩汁好香而且软壳蟹都脆卜卜，法包都系外脆内软，正呀~!!另外, 咖哩当然要配印度薄饼，$25一片，真系好好味，而且好重牛油味，口感质地都非常之好，非常配合咖哩汁。呢个超载椰青焗饭，真正好大个，而且都有好多海鲜，D饭有好浓的椰汁味，所以会比较STICKY，好够饱肚。男仔一定会够饱。