越男仔 (已結業)

嚟到铜锣湾除左系商场开饭外，登龙街哩边都好热闹嫁。几间拉面都经常有人龙。今次就试吓哩间越南菜。唔洗加一，性价比高。主打粉面同小食。越式手撕鸡清鸡汤河粉好大碗，男士都够饱肚。如果以为佢清清地，你就俾佢呃左lu。无错，个汤底系清，但个手撕鸡劲重胡椒味，捞完后，好似胡椒猪肚汤咁惹味。另一碗沙嗲烤鸳鸯肉捞檬个沙嗲味就唔太出，但𩠌同粉嘅份量都几多，抵食。鸳鸯肉包括烤猪肉粒，几可口，有食烧肉嘅感觉。另一款系牛肉片，食落唔觉有烤过，而且松肉粉落多左，失去牛味。值得一赞嘅系调味料放哂系枱面自己加，十分方便。全晚最惊喜嘅系三色鸡翼拼盘。有三款，包括辣味，牛油同金蒜。辣味不太辣。牛油同金蒜味道分别不大，只系金蒜有炸蒜系面。不过鸡翼真系劲香脆，粉又薄，好香口。哩间真系铜锣湾平价之选。