OMG Chicken (已結業)

姪仔开始放暑假, 知道佢中意食PIZZA同炸鸡, 带咗佢去附近一间叫OMG chicken, 呢度能够满足哂佢。平日入夜时段未见人流, 顺利安排入座。记得上年同丫女黎过, 食物款式选择比之前多。PIZZA类有两个size选择, 人少少都可以叫个9”细嘅share食。千岛海鲜PIZZA(9”)IZZA相当足料, 配料密集式平均分布, 包括有带子仔、墨鱼仔、虾、青椒丝、菠萝粒, 所有食材被芝士黏附著, 热辣辣时仲可以拉丝, 饼底松脆, 包质软绵, 每啖都食到好丰富嘅层次, 超正!烤鸡同样有4件/8件选择,法式蜜糖汁烤鸡: 外皮烘至金黄, 微脆香口, 扫咗好薄又甜甜地嘅蜜糖系面, 肉质嫩又juicy, 特别系鸡搥, 啖啖肉; 另外配多一碟蜜糖酱汁, 喜欢食浓味一d, 可以自行沾上食, yummy~最后小朋友当然食埋甜品先叫满足啦。order咗件半熟芝士蛋糕,蛋糕偏湿润, 入口几乎系半溶状, 芝士味很重, 配上薄薄饼底, 平衡到浓度, 沾上士多啤梨酱, 好食得连大人小朋友都抢住食。