點心到 (廟街)

营业中

休息中

呢间点心专门店晚市都有得饮茶，仲有几款店家特制点心，价钱算亲民，茶芥$3一位。而且点心即叫即蒸，全部热辣辣～正！卡通流心芋蓉包 $22 卖相几Cute，食落馅唔算多但几好味。晶莹鲜虾饺 $15/2粒，几大只，皮够薄，唔错。黑松露菜苗饺 $25 卖相都唔错，但食落唔觉有松露味，而且皮比较烟韧，有点失望。原只虾烧卖 $15/2粒，几大粒，口感唔错。怀旧鹌鹑蛋烧卖 $24 普普通通无特别。烧汁酿虎皮椒 $22 青椒辣度有后劲，慢慢渗出黎，正！金沙脆皮银萝肠 $25 有惊喜，首先条菜有姜汁味，之后肠粉皮够滑，馅脆中有萝卜丝，口感好丰富。推介！浓汤杞子浸时蔬 $18 嫩菜清甜，剪开一半方便夹，个汤都饮埋。