麻辣小聚 (93WYS) (裝修中)

今日系公司做嘢做到好攰，所以食lunch嘅时候都好想揾一间好食嘅餐厅，比自己放松一下休息吓！于是见到呢一间新开嘅麻辣小聚，所以就走咗入去试吓😌😌原来呢间餐厅都好出名，入到去之后先发现之前喺社交平台度都见到有人介绍过呢度嘅晚餐，不过今次就试吓呢度lunch先四川菜就梗系唔少得要食酸菜鱼啦，所以就叫咗呢一份难忘酸菜鱼！呢一个酸菜鱼嘅lunch真系非常丰富，应该同晚餐嘅味道一样，只不过系lunch嘅时候细分少少，但系都已经非常足够！酸菜鱼嘅味道好好，酸味同埋辣味啱啱好！而且呢度嘅鱼肉好嫩，加埋一个白饭，就系一个非常完美嘅lunch啦！