良鮨壽司

营业中

休息中

前几日同朋友嚟到大埔呢一间良鮨食日本菜，喺大埔火车站行10分钟到就到。店舖环境都几企理。入到去坐低，佢会比张qrcode你电子落单，好先进，比起传统用纸落单亦更加环保。我同朋友都好肚饿，所以就急不及待咁叫咗个荞麦面、紫薯饼、蟹膏蟹肉手卷、炸鱿鱼须、玉子烧，仲有一系列嘅手握寿司。整体食物都几好食，令我留下最深刻印象嘅莫过于火炙帆立贝同鳗鱼寿司，帆立贝大大粒，厚肉身，食落好滋味。而本身就劲钟意食鳗鱼嘅我都觉得呢间嘅鳗鱼寿司好有水准，鳗鱼鱼肉厚身，无骨，鳗鱼肉唔会林啤啤，食得出系新鲜嘅食材，配上适量嘅鳗鱼汁，真系好好食呢！最后食咗劲多野，买单都唔使$400 ，又几抵㖞。下次再嚟要丧食鳗鱼寿司同帆立贝寿司。